بالله ترحموني

  

طبعا للعلم كلمة صاحب الكلمه اللي في العنوان ( احمد غانم ) او مثل ما بلقبوه ابو الغور

واكيد معضم الناس بعرفوه واكيد ولازم انت تعرفه ومتى بستعمل الكمه هاي ..

فأتا كالعاده بحب اقلد واعمل زي الناس حبيت اعمل زيه واجمع اكم كلمة هيك من اللي انا كتبتهم على طريقته

يا خوان نفسي احكي لواحد اعمل شير لشغله ويحكيلي ما بعرف ,
وما القاه ثاني يوم عامل شير لشغله اتفه من تافهه ..
( يزم ) مبارح بقلك اعمل شير للشغله هاي وحكيتلي ما بترعف
بالله هاي لحالها انعمل الها شير ؟

:: امانة الله عليك ترحمني ::

بالنسبه للشخص الي بيحط صورة كاسياس وايده على قفا اللاعب
وبحكي يا خوان كاسياس شو بعمل ..

:: لا جد جد ارحمني ::

يعني انت سايق سياره , وواقف باخر الشارع ... والشارع من اوله كله ضغط وحالته حاله

يعني مثلا انت لما توكل راسي وانت بتزمر , مفكر انه اول الشارع رح يفتحلك مجال ؟

:: هو بالله ترحمني ::

مدريد يعطي الالقاب لمن يريد

مودرتش لعب لسبرز 4 سنوات , لم يفز بشيئ
لعب لريال مدريد 10 دقائق , فاز بكاس السوبر , 

برشلونه :: جد ارحمني ::

ليش لما تقعد مع حد يا بكون بشجع برشلونه او ما بتابع رياضه ابدا
يعني اما بشجع برشلونه , او ما بتابع رياضه

:: هو بالله ترحموني ::

ومبروك فوز الريال

 ابنك ضرب علي حجر , وضربته بنفس اللحضه
بجيك ابنك ثاني ويم بحكيلك سهل ضربني
بتبلش فيي , سهل انت ضارب يزن ؟
اه ضربته مبارح
طيب مهيو اجاني يحكيلي انك ضربته
يا اااااااادمي بقلك ضربته مبارح
يعني لانه هسا حكالك اني ضربته صرت ضاربه هسا ؟

:: هو بالله ترحموني ::

 

يعني انا مش عارف شو هالحظ

لما تسوي شغله قدام ناس , ببطل حد يعرف يعملها غير انت

طيب فلان , وفلان وفلان

لا بدهم اياك انت

وبالاخر مش عارف تسويه , هيو نش زابطط

:: هو بالله ترحموني ::

 

عزيزتي البنت الي الفيسبوك كله بيتفرج عليكي وانتي بترقصي مع صحباتك
وكل الفيسبوك بشوف صورك انت والناس الي معاكو زلط ملط

وكاتبه بالانفو تبعها كل انسان يراني بالشكل الذي كونه هو عني ,, والله ثم انا اعلم بخبايا نفسي ونواياي الحسنه ....

بحكيلك , الفيديوهات والصور الي شففتهم مش موجودين لكن همه مجرد اشي انا كونته عنك وشفتك فيه وبحكي انك عامليته ...

:: ارحمونا ::

^

^

^

^

هاي اقوى وحده كتبتها هههههه

كلهم حصريات ومش منقولات من اي مكان اخر !