فرشاية اسنان

مرحبا , وكيف الحال 

كالعاده صحيت الصبح , لكن هالمره مش بالبيت الي بالكرك .. لا لا 

لكن باللبيت الي بغور الصافي , الله لا يبلى 

المهم اخوي الصغير سعد قروش ( دوش) مخي وهو بحكي سهل اصحى بدك تطلع ع ابوي يله يله ..

المهم صحيت وامي وصاحبتها قاعدات فوق راسي .. قلت فرصه 

بطلعش من هون الا وانا مفطر , فطيت عليهم ( صرخت باعلى صوتي ) 

سوولنا ( اعملولنا ) فطور 

راحو عملو فطور .. بس مش رايح احكيلكو ايش هو 

وبس خلصت فطور رحت بدي افرشي سناني .. ( صاير نضايفي وانا مش عارف ) 

احترت بالفراشي ...

كل الفراشي عايفه حالها يعني شارب منها الدهر وماكل 

الا فرشايه وحده لقيتها جديده طخ ( غير مستعمله , جديده بشكل جامد ) 

رحت على امي وسالتها يمه !! وين فرشايتي ؟؟

ولا بتحكيلي انا فرشايتي ( يعني فرشايتها) لونها كذا

طيب انا شو بدي بفراشيكو ..

ولا بتحكيلي شوف اصلح فرشايه ( اكثر وحده صلحه ) 

استغربت الي حكته انه معقول فرشايتي مش خربانه ..

تاكدت مؤخرا انه انا كنت استعمل الفرشايه الثانيه الي بدارنا بالكرك..

وطلع الي وحده ثانيه بالدار الي بالغور 

مع العلم اني نادرا ما افرشي اسناني حتى وهمه صفر 

وكل عام وانتم بخير